“Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət” işçi qrupunun növbəti iclası keçirilmişdir.

“Biznes mühiti və Beynəlxalq reytinqlər üzrə Komissiya”nın “Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət”  işçi qrupunun 26 noyabr 2021-ci il tarixində “Zoom” platforması üzərindən növbəti iclası keçirilmişdir.

İclasda İşçi qrupunun 2021-ci il üçün Fəaliyyət Planında nəzərdə tutulan tədbirlərin, o cümlədən Mülki, Mülki Prosessual və Vergi məcəllələrinə təklif edilən dəyişikliklər və digər  tədbirlərin icrası, bununla bağlı qarşıda duran mühüm vəzifələrin müzakirəsi keçirilmişdir. Bununla yanaşı İşçi qrupunun 2022-ci il üçün Fəaliyyət Planının layihəsinə daxil edilməsi təklif edilən bir sıra məsələlərlə əlaqədar, eləcə də şirkətlərdə elektron sənəd dövriyyəsinin təşkili, elektron imzadan istifadə, səhmdarların birjadankənar əməliyyatların, alqı-satqı əqdlərinin notarial qaydada rəsmiləşdirilməsi zamanı qarşılaşdıqları problemlərin fikir mübadiləsi aparılmışdır. Onlayn formada keçirilən görüşdə aidiyyəti dövlət qurumlarının əməkdaşları ilə yanaşı özəl sektorun, o cümlədən “Deloitte & Touche”, “PwC Azerbaijan” şirkətlərinin və bir sıra digər təşkilatların nümayəndələri yaxından iştirak etmişlər.

Eyni zamanda, İşçi qrupunun növbəti iclasında müzakirə ediləcək məsələlərə dair fikir mübadiləsi aparılmışdır.

 

×